صوتهم

كل المخلوقات في الليل وقت الارتياح ومرواح الشمس

وقت ارتياح الورد في مكانه وميله على بعض احيانا

وقت ارتياح الفراشات من الطيران في النور طول النهار

وقت سكون النمل من خطواته في املعافرة طول الوقت

كل المخلوقات في سكون والعصافير ع الشجر وفي العشش الصغيرة

كل المخلوقات كانت سامعة حس وصوت طول الليل

في الايام الاولى العصافير كانت بتقول اكيد ده صوت الفراشات والورد بيحكوا لبعض حواديت اللي شافتوها طول النهار

الفراشات والورد كاوا بيقولوا اكيد دي اصوات العصافير ع الشجر بيغنوا لبعض لجل ما ينادوا احلام النور من القمر

والنمل الصغير جدا في كل مكان كان بيقول اكيد ده صوت النور المنور بعيييييييييييييد جدا هناك جمب القمر

كل يوم في الليل يوضح الصوت زيادة ويزيد

يغيب بالهنار وسط الزحمة والحركة والنور واصوات البشر

وفي الليل واحدة واحدة يزيد الصوت جوا كل مخلوق

احيانا بيبدأ من بعييييد

واحيانا بيبدأ من جواهم

صوت مطمئن لكن كان شغفهم لمعرفة السبب مش بيخليهم يطمئنوا ويسكنوا

فراشة من الفراشات طارت قرب الشجرة قرب حضرة العصافير لجل ما تسمع غناهم زيادة

لما قربت من العصافير العصافير قالوا اخيرا الصوت هيرقب ونتأكد من الفراشة انها هي

لكنها لما قربت ملقتش الصوت بيعلى في صحبة العصافير ولا العصافير لقوها هي مصدر الصوت

لكن كلهم حسوا حاجة قوية جدا حسوا ان الصوت بيزيد ويعلى ويقوى جواهم

معرفوش ليلتها يسكتوا ويسمعوه معرفوش يرتاحوا غير لما يعرفوا مصدر الصوت

راحوا العصافير والفراشات للنمل ولما قربوا من النمل يتاكدوا من مصدر الصوت ملقوش الصوت بيعلى قرب النمل

ولا النمل حس انهم مصدر الصوت

لكنهم حسوا الصوت بيقوى زيادة

شفا كان اصغر نمل موجود في قبيلة النمل هناك

شفا بص لكل الخملوقتا وقالهم استنوا انا عارف مصدر الصوت

شارولهم هنااااااااااااك بعيد جدا ع النور المنور في السما جمب القمر

وقالهم عارفين النور ده نمل زينا

او كان نمل زينا

لكنه في يوم طارت فيه الفراشات قرب الورد قرب كل الورد يدوروا على مصدر الصوت في الكون

ولما قربوا م الورد زيادة الورد زهزه زيادة ولما زهزه شافوهم العصافير وفرحوا زيادة بالوان الورد وحركة الفراشات ساعتها الشمس نورت زيادة ودفيتهم بالوان نورها زيادة

ساعتها النمل من كتر النور شاف حبوب القمح افضل من الاول وجمع حبوب كتير جدا جدا

من كتر النور وقتها ومن كتر حركة الوان ورفرفة الفراشتا وزأزأة العصافير وغناهم وزهزه الورد وروايحه البديعة

الكون والارض كلها نورت نور وعطر والوان وفي لحظة قربت فيها كل المخلوقات ومشيوا ورا نور الشمس وهي بتغرب ساعته راحوا هنااااك جمب البدر التمام

الحبوب وقفت عنده وكل اخمللوقات الطيبية فضلت تطير في السما منورة

والصوت اللي بنسمعه كل يوم هو صوتهم من هناك بيحكولنا عن النور عندهم

بيبعتولنا السلامات ويكلمونا

بص له ساعتها اصغر عصفور من العصافير وقاله لو الصوت ده اصواتهم كان هيعلى كل ما نطيرو نقرب لهم لفوق

لكن الصوت بيقوى ويزيد كل ما قربت العصافير لبعض والفراشتا قربت لهم والنمل قرب معاهم والورد قرب جمبهم

ساعتها جربوا يقربوا فعلا كل ا قربوا الصوت كان بيقوى جوا قلوبهم

كل ما كاوا بيطمئنوا اكثر وينسوا هم كانوا عايزين يعرفوا مصدر الصوت ليه

كل مخلوق اتأكد ان مصدر الصوت جواه بيتلاقى بمصدر الصوت جوا من جواره وكل الاصوات بتتلاقى بمصدر اصوات المخلوقات اللي هناك فوق بتلمع جمب القمر وبتطمئنهم كل ما يزيد نورها وحتى لما تختفي الصوت بيزيد زيادة جواهم