ثالث خطاوي القمر

..

حمامة مع انه عصفور لكن محبته للورق المراسيل والشغف ف عيون الراسلين والاشتياق ولهفة منتظرين الرسائل وخياله اللي كان بيخليه طول الطريق يحكليه عن حكايات الجوابات واصحابهم قرر انه هيكون ساعي بريد واطلق على نفسة حمامة مع انه مقتنع ان مش بس الحمام ينفع يكون زاجل وساعي بريد لكنه عصفور واسرع من اجدعها حمامة لكن راسلي الجوابات ونستقبليها مكانوش بيصدقوه ف الأول لكنه ف وقت صغير بقى حمامة ساعي البريد العصفور،

عصفور او حمامة سابقا ماكنش عنده اصحاب غير ريشه الملون كان حافظهم ريشة ريشة ويقدر يقول الوانهم وهو مغمض بيحس بيهم كأنهم بيكلموه

كان بيحكيلهم حواديت كل يوم وكان بيطير في صحبتهم قرب الجناين لجل ما يشموا الورد وقرب الشمس لجل ما ألوانهم تزهزه

لما كان يقع منه ريشه وهو طاير كان ينزل م السما طيران علشان يلحقها بنقارة

عصفور كان نفسه الريشة اللي تقع من جناحة ترجع تاني فيه ويقعد يحاول كل مرة يرجع الريشة الطايرة لوحدها في مكانها في جناحه او ديله ويقعد يتحايل عليها ويطبطب عليها ويوريها الشمس ويقولها ارجكي من فضلك ياريشة ارجعي لجناحي ويسألها لما مترجعش ايه زعلها منه وخلاها تطير لوحدها منغيره.

يا ريشة يا ملونة يا بنفسجة من عطر البنفسج

يا ريشة يا ملونة يا صفرا بنور الشمس

يا ريشة يا ملونة يا خضراء بطيب الروح والشجر

يا ريش. يا ملونة يا زرقاء زي البحر والدفا

من فضلك لو تسمحي ارجعي لجناحي وهنطير سوا .. لكن ولا مرة ريشة من ريش عصفور رجعت مكانها على جناحه

كان عامل ظرف صغير م الورق بيحط فيه الريش يخظه ويحايله كل يوم لعله يوم يرضى لعله يوم يرجع

في يوم كان قاعد جمب بيته ع الشجرة وبياخد الور من شجرة لتانية كانه بيوصلهم لبعض وبيلعب معاهم شافه ولد صغير كان بيرسم ونفسه رسمته توصل للشمس

رسم للرسمة وقام وقف يوريها للشمس ويتنطط لجل ما تشوفها كويس

لكنه فضل حاسس انه بعيييييييييد وانها مش شيفاه. بص للعصفور جمبه وقاله

هو مش انت با عصفور بتطير لفوووووق وتروح عند الشمس

ممكن يا عصفور توريها رسوماتي

عصفور بصله باستغراب وقاله لازم تستاذن جناحاتي هم اصحابي واصحاب القرار

استأذنهم الولد وعصفور استعد واخد نفسه وعمل شنطة صغيرة من ورق الشجر وقال للولد هنحاول نوصلهم للشمس وخد الرسومات وطار لبعيد

الولد كان بيتنطط م الفرح وهة عارف ان رسوماته وصلت للشمس فضل يتنطط لحد ما روح وقال لياسمينا جارته انه اخيرا حقق امنيته وبعت رسوماته الشمس .. ياسمينا مسابتهوش غير لما عرفت ازاي وقالها ... ياسمين جريت اخدت الكوفية الصوف الفضة وقالتله يعني عصفور صاحبك ده يعرف يوصلي الكوفيه الفضة للهلال صديقي ؟اصل دايما لما بقعد احكيله بالليل حدوتة بيكون سقعان. قالها تعالي وراحوا عند شجرة بيت عصفور يستنوه

ومن ساعتها وعصفور ساعي بريد يوصل لاخر الكون واوله وبقى كل اللي بيبعتوا جوابات اصحابه بيستنوه وبيحكيلهم عن رحلات التوهة والصول علشان يوصل الجوابات ويوصلهم بعض، لكن لسة ريشه بيسيب جناحه ساعات ويطير لوحده ولسة بيجري وراهم طيران علشان ميتوهوش ويحفظهم في الظرف بتاعه ،الظرف اللي كان دايما تحت جناحه كتر مكان امان جةا حضنه .. مراسيل من الجنوب للشمس ومراسيل م للنيل للواحات ، ومراسيل من التايهين للقمر ومراسيل من السمك للسما ومراسيل من الاسد للغابة ومراسيل من التمر للعجوة ومراسيل من الاحبة والصحبة والجيران ف البيوت القديمة ومراسيل من البيوت لاصحابهم ومن الاحلام والامنيات المركونة للحالمين بيها وخايفينها ومراسيل من الشمع للافكار ومراسيل من العيال لعم صديق ،

عصفور كان بيوصل اي مرسال مهما كان فين وهيروح لفين ولمين عصفور كلن يقدر يوصله

لكنه كان اوحيد اللي عمره ما بتوصلع جوابات

وماعندوش زيهم اي ظرف يختفظ بيه غير الظرف الحافظ فيه جناحات ،فكان صديقه وامانته والوعد البينه وبين روحه وجناحه وديله،

فضل عصفور بوصل جوابات ومراسيل من هنا لهنا ومن هنا لهناك ولهناك وهناك وهو سعيد بلهفة اصحابه اول ما يلمحوه جايلهم بجواب واستجعال وشغف اصحابه لما يبعتوا معاه مرسال ، ونسي انه بقاله مشاوير كتير ما طلش على اصحابه جوا جناحه وفي الظرف بتاعهم

وانه بقاله كتير ما حكالهمش حواديت ولا وراهم الشمس وراجع الوانهم وكان بقاله فترة ما بيسيبوش ريش من جناحه لكن لما قعد يستريح من المشوار الطويل وهو بيبعت جواب لنجمة الامنيات بص جوا الظرف ملقاش اصحابه الريش

قعد يدور جوا جناحه وف كل قلبه وروحه وجوا الظرف شمال ويمين ابدا ملقاش ولا ريشة اصحابة الريش،قعد يحاول يفتكر هم وقعةا منه ين وامتى ويسال اصحابه الريش الباقيين في كسوف يا ريش يا ملونين انا عملت ايه خلاهم يسيبوا جناحي وروحي ويطيوا فضل يفكر يفكر ويسال ويسال

وبطل خالص يوصل جوابات ورجع فيتهعن الشجرة وفضل يسال،طول الوقت ويدور علي اجابات بدل الريش

في كل مكان كان مستنيه صاحب بمرسال يبعته وصاحي مستنيه يجيله بجواب القمر مستني جوابات والشمس بعتت رسومات للولد الصغير والهوا ملى كل الجوابات والوقت

فضلوا مستنيين مستنيين وكل حد فيهم مستغرب

القمر قعد يدور على عصفور ملقاهوش لكن لقى الريشة البنفسجي اللي كان عصفور بيحكيله عنها وياسمين لما راحت تدور على عصفور ملقتةش لكن لقت الريشة الفضي اي كان بيحكيلها عنها عصفور

وجارها ملقاش عصفور لكت شاف الريشة الصفراء زي الشمس..وكوووول اصحاب عصفور الواصلين الكن ببعض ومراسيلهم ملفوش عصفور لكت كل حد شاف ريشة من ريشه

الولد قال لياسمبما وياسمبنا حكت للقمر باليل ةالقمر قال للشمس اول ما اتقابلوا والشمس بعتت نور ةمراسيل للكل وغربت يومها ناحية بيت وشجرة عصفور لجل ما يعروا طريقه وكل حد يبعتله الريشة اللس لقاها...

عصفور حاطط ايده تحت جناحه وعمل يقول يا ريش يا ملون انا مش عصفور روح وسيبني انا مش هطير مانيش حمامة مانيش عصفور ةلا ساعس بريد يا ريش يا ملون روح وسيب جناحي .. وهو قاعد ووريشة تحت خده حزين عليه ةلا قادر يشيله ويطيره ولا هيطير لوحده ..ساعنا لمحهةا الشمس مروحه من سكة غير سكتهل والهلال جاي بدري الليلة دي ايه ده ياسمينا معاهم وصاحبها ونجمة الامنيات والبلح والعجوة والبيوت الوجيران والةاحات وكل من ارسل واوصل عصفو له مرسال جاين كل شوية يجي حد ويخبط ع الشجرة ويقول لعصفور جالك جواب يا عصفورعصفور ماصدقش يااااااه اخسرا جالي جوابات لكن هعمل ايه بيهم وانا ضيعت اصحابي الريش ... الشمس فضلت قاعدة جمبه لحد معادها سابت معاه القمر لخد ما اطمئنوا ان كل ريش عصفور اللي ضيعه رجعه ولقاه،