ثاني خطاوي القمر

.

من مكانه وطول الوقت شايف وعارف ومتابع حكايات كتير

وبيبعت دايما بنوره محبة ويقول انه مش بس هو اللي منور, ويقول ان كل المحبة نور, والنور محبة

بيبتسم ونوره يزيد كل ما يشوف المحبة في المخلوقات

بيشوف جدور الشجر والارض ووصلهم بمحبة لجل ما تقف الشجرة وتشيل فروعها بمحبة لجل ما الفروع تشيل الورق عليها بمحبه

والشمس تبعت للورق نور وطاقة لجل ما يخضروا ويزهروا ورد بألوان المحبة عطره يفوح في الكون

بيشوف صحبة الورق والورق لما يدبل يحاول حتى وهو بيدبل يدبل وسط صحبة الورد الدبلان

لحد ما يصبحوا فتافيت توصل تاني لجدر الشجرة وتطرح ورد تاني وشجر تاني فيه من روح وونس ومحبة كل الورد والورق اللي كان مكانهم من زمن

بيشوف كلاب الشوارع وهي بتخطي وتدور على محبة مخلوقات يتوانسوا سوا وسط صحبة كلاب يتلاقوا بيعيونهم محبة

او يلاقوا خطاوي بني انسان يبصوا في عنيه ويدفوه بمحبه

بيشوف محبة الطيور في صحبة وونس و سرب واحد طايرين لجل ما يطمئنوا سوا على بعض

حتى الطيور اللي دايما بتسيب السرب وتطير بمفردها بتروح تدور على محبة في سرب او بحر او صحراء تانية

بيشوف الورد وهو بيعطي رحيق ومحبة للنحل الطاير الملون اصفر وأسود لجل ما يخلق الجمال السحري اللي بلون الشمس وشفاف

بيشوف محبة فراشات ملونة وهي بتلاعب عيال صغيرين في الجنانين

ومحبة محبين فايتين وبيخطوا سوا لجل ما يوصلوا محبتهم بمحبة الكون وما فيه

بيبعت القمر لينا محبة

وبيبعت محبة ونور للنجوم ويتلاقوا

وبمحبة بيتفق مع الشمس يفضل النور ع الكون والمخلوقات وهم الاتنين مادين نورهم لبعض فدايرة حوالين الكون لكل ما يحيطها النور والمحبة

لجل ما يفضل النور ف الكون مطمئن من السراب والخوف والبرد

يفضل النور دليل وطاقة تحيي الشمس بيها مخلوقات بمحبة

ويونس القمر ويدل الخطاوي بالليل ويونس السهرانين والتعبانين واللي ارواحهم بتسأل يطمئنهم بجوابه بنوره ومحبته

ويفضل النور محب

والمحبة تدوم وتوصل كل المخلوقات والكون ببعض