أول خطاوي القمر.. سؤال

من مكانه باصص على الكون ومخلوقاته

شايف من مكانه البعيد الخريطة كامله وكل الخطوط الواصلة بين المخلوقات

شايف الحركة وكتير بيتخيل ممين هيتقابلوا امتى وفين لو خطواويهم فضلت في طريقها

مين خطاويهم بتزيد مسافة بينهم فيحاول يلاقي الطرق اللي لو لاقوها ومشيوا فيها صفة او بقصد ممنك تلاقوا تاني

شايف الخطاوي اللي بتجري ووالخطاوي البطيئة من التعب والخطاوي العاجزة ومش شايفة

شايف الخطاوي التايهة في كل الطرق وابدا ما بتوصلش ولا ترتاح وشايف الخطاوي اللي خطوط مستقيمة ومحددة شايف الخطاوي اللي بتجري في سباق مع كلاب بتلاعبهم وشايف الخطاوي اللي بتتمشى جمب فرس في الصحراء لجل الفرس يرتاح

شايف الخطاوي المطمئنة ورايقة

شايف الخطاوي الماشية ومبحلقه في نوره وبتكلمه ومستنية رده

وشايف الخطاوي المسافرة وتاركة العالم وراها

وشايف الخطاوي المعافرة وطالعة الجبل وحمل كبير فوق كتافها

وشايف الخطاوي في الصحبة والونس الماشية سوا

والخطاوي اللي بتتهف والخطاوي العنيدة

والخطاوي اللي بتمد لجل الكفوف تتلاقي وتشد ع الخطاوي في السلام وتطمئنها

وشايف الخطاوي اللي عيونها متشعلقة بفوق وبتتمنى تخطي لفوق

شايف كل الخطاوي القمر وهو في مكانه

بيخطي وبيلف في دايرته ونوره كمان بيخطي لجل ما يرسم هلال ومحاق وبدر

بيتخض جدا اول ما يشوف خطاوي هتتكعبل

او خطاوي تعبت وهتقع

فكان بيمد نوره زياده لجل يشوفوا

يبعت نوره لجل ما يكون سراج ودليل

ينور زيادة لجل ما كل املخلوقات تطمئن بنوره

يبعت نوره للخايفين في التوهة والطرق الضلمة والسراب

يبعت نوره للمحتاجين للونس في غربتهم في الكون

فينسجوا بنوره وبرؤياه خيالات وحكايات توصل ما بينهم وبين خطاوي تانية وبينه

بيسيب مكانه ويخطي جمب خطاويه زهقت من طول المشوار وشكت ف السكة

بيخطي جوار كل من خطاويه صبحت بطيئة او عاجزة

بيسند بنوره ووجوده كل خطاوي مؤمنه بانه عارف الخطاوي وبانه بيسند خطاويهم في الليل والبرد والتعب

بيطيب ويطمئن الخطاوي القلقانين

بيخطي لجل ما يطبطب على قلوب وأرواح كل من عارفه وبيحكيله ويتوانس بوجوده

بيتشاق لرؤية عارفينه المنتظرين ظهوره بعد ما يغيب ويختفي

يتشاق لرؤياهم ومحبتهم الظاهره في عنيهم أول ما يلمحهوه صدفة في السماء بعد ما يكونوا زهقوا الانتظار

بينط هو كمان جوا قلبه برؤية محبيه

وبيبتسم لرؤية محبين واحبة وبيطمئن للخطاوي الصادقة المعافرة

كل ما يشوف خطاوي هتخطي في طريق يقوم هو كمان ويقول ايش معنى يخطوا وانا واقف ويزيد نوره وجماله ويمد كفه وروحه وخطاويه لجل ما يخطي

مع كل الخطاوي العارفه به والمؤمنة بنوره وبالخطاوي وبالوصل

والسند والحكايات

........................................................................

...

https://soundcloud.com/ahmedsabri-1/j2zngnnm4memاسكندريلا .. مجنون امنيات