تاسع خطوة.. للقمر

......................

كل اللي رايح والراجع من عالرصيف يشوفه قاعد في وسط كومة أسلاك وحبال وخيوط ووورق وأقلام ودبابيس وحكايات وكلام وشرايط كاسيت وفواتير وكراريس

كولهم متكعبلين فيبعض وشابكي في الاسلاك والخيوط والحبال

وهو قاعد زي الكلب لما يكون عايز يعدي طريق سريع

عمال يبص يمين ويشمال بخوف ويأس شديد انه اكيد مش هيعرف يعدي وسط سرعة العربيات

هو كمان كان عيونه كانت بتبسط شمال ويمين وسط كل التشبيكات في الاسلاك والحبال

مش عارف يبدأ منين ويحلها

يبدأ منين ويسلكهم من بعض و يرتبهم

بص بعيونه لفوق جبينه وحس انه مش قادر يمشي بكل ده جوا روحه واهن لامز ياخد طرف الخيط وواحدة واحدة هيتحلوا

واحدة واحدة بدأ يحاول لكن فجأة اكتشف نفسه بقى هو كمان جوا الكعبلة وسط كل الحاجات

او ان الكعبلة هي اللي طلعت براه لكن هو جواها

وانه لا فكهم من بعض ولا بقى عارف يسيبهم ويمشي

قعد ع الرصيف بكل الكعبلة يحاول

ساعة اتنين تلاتة

يوصل قطار وينزلوا العائدين ويوصل قطار مسافر ويركبوا الرايحين وهو قاعد يفك خيوط واسلاك كعبله روحه ودماغه

وكان كل الحاجات رافضة تتحل

زهق ولما سند رأسه ع الحيط وراه شافه فوق

منور كانه مستنيه وباصلله كل ده وهو اللي ماكنش شايفه

كأنه كان فوق ف الشوف البعيد بيتفرج ومستنيه بس يبصله

لما شاف نور القمر ابتسم زي العيال والكلاب لما بيفرحوا بظهوره

وحس بالبرد لحظتها واتوجعت عظامها وروحه ومقدرش يكمل

فضلت عيونه متشعلقه بنور القمر وقاله ما مش عارف يحلها وانها مش بتسلك

وانه بردان لحد جوا روحه وعظمه

وانه مش قادر يقول

حس بعدها برأس صغيرة بتقرب منه وبتتكلفتش جواه وفي دفاه

الكلب الصغير اللي جه يقعد جمبه ميل برأسه الصغيرة وبص له

وكأنه شاف روحه

وكان الكلب كان الوحيد اللي عرف يسأل السؤال مناسب

من غير ما يوجعه

وفضل الكلب بعيونه اللي بتلمع باصلله كأنه بيفضي كل روحه في حجره وكفوفه

فضل الكلب باصص له وهو فضلت عنيه تايهة في عيون الكلب كانه دخل جوا عالم براح كأنه بيتحضن بالكون

كأنه بيتطيب بمحبه

كان الزمن والعمر والهم والكعبله والعقد والقول بزنقته جوا الحلق وكأن كل الوجع وكل شيء اتنسى وتاه وراه

وانه متصان بكفوف طيبة

الكلب عدل رأسه واتكلفت جوا حضنه وناموا سوا متكلفتين

وعيونهم ع البدر ونفسهم برتام واحد كانه موصول

ناموا

ساعتها القمر فرد ايده بشويييييييييييييش وخد طرف الخيوط المكعبلة اللي كانت محواطاهم وفضل يسحب الكعبلة وطرف الحبل واحدة واحدة واحدة واحدة

بشوييييش اتسرسبوا وراحوا في البراح والهوا

واختفوا

....................................................................

! ..

15\3\2016